I luoghi dell'esodo in Piemonte > Introduzione

Addio a Pola

I disi che bisogna far valise,
che in primavera dovarò pompar,
con quatro fazzoletti e do’ camise,
e con do’ brazzi che sa lavorar,
se devo andar
te vojo dir addio,
come sa dir addio un Polesan,
per saludarte come un vero fio,
che el parti per andar assai lontan…

Solo do’ lagrime,
una per ocio,
e po’ in zenocio
questa terra baserò.
Solo do’ lagrime,
el cor in gola,
mia cara Pola,
mi te saluderò!

Addio vojo dighe a ‘sta caseta,
dove che go passà la gioventù,
addio a questa terra benedetta,
perché se vado, no te vedo più!
Con la coscienza più che mai serena,
do’ robe vojo cior per ricordar
In t’un scartosso un tochetin de rena,
in ‘na fiaschetta un fià del tuo bel mar!

Solo do’ lagrime,
una per ocio,
e po’ in zenocio
questa terra baserò.
Solo do’ lagrime,
el cor in gola,
mia cara Pola,
mi te saluderò!